قیزیل اوزن: محرملیک، زنگانین باش مچیدلریندن بیری، قوجا، جاوان، اوشاق ییغیشیب. ایمام حوسئینه عزادارلیق ائتمک چاغی دیر. ان آزی بئش یوز تورک کیشی، قادینلارین سایی سینی بیلمیرم. بیر بؤیوک باش دؤولت آدامی دا بو ییغیناغا قاتیلیر.نوحه اوخویان بئش یوز تورکو بیر فارسا ساتیر. هپ اوخودوغو تاجیک دیلینده اولور. ندن بیرنفر، بئش یوز نفره زور گلیر؟!
بیزیم نوحه اوخویانلارا نه گلیب؟ سن ایمام حوسئینه اوخورسان یوخسا فارسا!!
بیر سورغو: فارسلارین مرثیه ییغیناقلاریندا بیر تورک قوناق اولسا، گؤره سن بیر تورکه گؤره بیر بیت تورکو اوخویارلار؟
ایندی یه قدر بو سورغویا اولوملو یانیت آلمامیشام.
دوزگون باخسان گؤررسن تورکجه مرثیه نی ده دؤولت تومارلایا، تومارلایا دیلینی فارسا چئویرمکده دیر. بیر ایکی ایل گئچمز داهی تورکجه آغیتلارا تامارزی قالاریق. تکجه اوخونان کاسئت لر اوزرینده بو نیسگیلی بیتیررسن. سلیم موذن زاده کیمین اوخویانلارین یئرین دؤرد بئش فارس دیللی تکنو- جاز اوخویان آداملار آلاجاق.
گؤره سن« دیجی، دیجی» ایله حوسئینه سینه ووروب، منیم دیلیمین اوستونه قالاق، قالاق تورپاق تؤکه جکلر؟!
