گئچميش گونلرين بيري سوتلو كوكه آلماغا، بو يئني چيخان چوركچي يه گئتديم. كونده لري بيرر بيرر تنديره آتيردي. ايكي اوغلان سول ياندا دورموشدولار. بيز ايسه سول ياندا.
كوكه چي اوشاغلارا اوز چئويريب دئدي: بير آز بويانراق دايانين من تئز تئز ياپيم. جومهوري اسلامي هر نمه ني بيمه ائله ييب بو کوركدن سوواي. ايلك سوزونه گولمه ييم گلدي. آما سونرا فيكيرلشديم. گئرچك بير سوزدور باخسانيز. اود، سئل، ياغيش، دئپرم، اوغورلوق، دام اوچما، آدام اولومو و باشقا نسنه لرين بيمه سي وار. ايندي كوكه چي نين كوره يي اوشاقلارا دئييب بير يئرلري يارالانسا، بيمه عنوانلي بير شئي يوخ. بوندان واز گئچك.
گوره سن بير اينسانين ديلينين بيمه سي نئچه دير؟ اولا بيلر دئيه سيز اولودن آرتيق اولماياجاييق. اولويه نئچه وئرسه لر بونو لاپ ايكي قات وئرسينلر. يوخ بئله دئييل دوزگون فيكيرلشسه نيز بيزيم ديلين بيمه سي يازييا گلمه ين بير دَيَردير. ان آز دَيَرلري سوچ سوز 8 ايل زيندان، نئچه آيلار اينفيرادي دان سوواي، گويلون ايسته مه ين يئرلره سورگون اولما و قالانين اوزوز بيليرسيز.
ايندي گئرچكدن بيزيم آنا ديليميزين بيمه سي نئچه يوخسا نه دير؟ بيزلر اونو اوده ييب، ديليميزي بيمه ائدك. بو قونودا بيرآز دوشونمه لي ييك!!.
